पर्यटन
मकवानपुरको उत्तरी भेगलाई देशकै महत्त्वपूर्ण पर्यटकीय क्षेत्र घोषणा गर्न माग (भिडियाे)
नेकपा एमालेका प्रमुख सचेतक एवम् सांसद महेश वर्तौलाले मकवानपुरको उत्तरी भेगलाई देशकै महत्त्वपूर्ण पर्यटकीय गन्तव्यको रूपमा घोषणा गर्न माग गरेका छन् ।
आज मङ्गलवार बसेको प्रतिनिधिसभा बैठकमा बोल्दै सांसद वर्ताैलाले मकवानपुरको उत्तरी भेगमा पर्ने चित्लाङ, दामन, सिमभन्ज्याङ, कुलेखानी–मार्खु, बज्रबाराही लगायत गन्तव्यलाई पर्यटकीय क्षेत्रको रूपमा घोषणा गर्न माग गरेका हुन् ।
पर्यटकीय गन्तव्यको रूपमा चिनिए पनि पर्यटनको विकास र प्रवर्द्धन हुन नसकेको भन्दै सो क्षेत्रलाई देशकै महत्त्वपूर्ण पर्यटकीय क्षेत्रको रूपमा घोषणा गर्दै पर्यटकीय पूर्वाधारहरूको निर्माण र प्रवर्द्धन गर्न सांसद वर्ताैलाले माग गरे ।
सांसद वर्तौलाले कुलेखानी मार्खु, चित्लाङको भ्रमण गर्न सभामुख लगायत सांसदहरूलाई अनुरोध समेत गरेका छन् ।
प्रकाशित मिति: मंगलबार, जेठ २२, २०८१ १३:४०
प्रतिक्रिया दिनुहोस्
साताको लोकप्रीय